Dkt. Mwakyembe awaasa vijana kuwa hamna uchawi kwenye michezo


Waziri wa Habari, Utamaduni, Sanaa na Michezo Dkt. Harrison Mwakyembe amewaasa na kuwataka vijana kutumia nguvu zao katika michezo na kufanya mazoezi ila wasije kufikilia kama kuna njia za mkato wala uchawi bali mazoezi ndiyo kila kitu.

Dkt. Mwakyembe amesema hayo leo Jijini Dar es Salaam wakati akikabidhiwa bendera ya Taifa mbele ya waandishi wa habari na vijana waliyorejea kushiriki mashindano ya Shirikisho la Michezo Afrika Mashariki (FEASSSA) yaliyofanyika mwaka huu katika Mji wa Gulu Nchini Uganda  ambayo hushirikisha timu za shule za sekondari za jumuiya ya Afrika Mashariki.
"Nataka kuwadhitibishia Watanzania kwamba tutaenzi daima michezo ya UMITASHUMTA na UMISETA maana vipaji ndiyo vinapoanzia, niwapongeze sana vijana kwa kushinda medali nIwatie moyo muendelee ili muweze kushiriki katika mashindano ya kimataifa yakiwemo Olimpiki, maana nyinyi ndiyo warithi wa Simbu na wanariadha wengine waliowahi kufanya vyema hapa nchini," alisema Dkt. Mwakyembe.
Dkt. Mwakyembe akiongea na vijana waliyorejea kushiriki mashindano ya Shirikisho la Michezo Afrika Mashariki (FEASSSA).
Aidha Dkt. Mwakyembe amewaasa vijana hao wasithubutu kutumia njia zisizo halali ili kushinda, bali wajitume katika mazoezi na wawe na nidhamu ya hali ya juu kwani michezo ni ajira ya uhakika kwa vijana wengi siyo tu Tanzania bali hata katika mataifa yote ulimwenguni.
"Tusisikie kabisa kelele za kwamba, unaweza ukafanya hiki au ukatumia njia za mkato, hakuna mchawi wa michezo zaidi ya mazoezi kwani huwezi kupata ushindi kwa kupitia njia za kishirikina, haiwezekani kwani hizo ni hadithi tu za abunuwasi njia pekee ni mazoezi," alisisitiza Dkt. Mwakyembe.
Vilevile Dkt. Mwakyembe amesema kuwa serikali imejipanga mwaka ujao itaongeza idadi ya washiriki katika mashindano yatakayofanyika Rwanda na amewasisitiza vijana pamoja na walimu wa michezo mashuleni kuendelea kuwalea vijana na kuibua vijana wengi ili kukabiliana na na tatizo la upungufu wa ajira kwani michezo imekuwa ajira ya uhakika duniani.

Comments

Post a Comment

Popular posts from this blog

Ruby azicharukia vikali media, picha linaanzia kwa Nandy

Image
Msanii wa Bongo Flava, Nandy amesema hapendezwi na maswali kuhusu Nandy ambayo amekuwa akiulizwa kila siku na vyombo vya habari.   Hitmaker huyo wa ngoma ‘Na Yule’ amesema watangazaji wameshindwa kumuuliza maswali ya msingi badala yake kila siku stori ni Nandy kitu ambacho anaona kitaenda kutengeneza ugomvi. “Nachukia sana swali la kufananishwa na Nandy kwa sababu am tired that question, ni kama vile watangazaji wanashindwa ni maswali gani ya kuuliza, maswali yale yale nishajibu sana” Ruby ameiambia Bongo5. “I love Nandy, she is good artist, she is good singer but don’t ask too much question about her, it like unatengeneza ugomvi, sasa nashindwa kuelewa hata watu wa media wanatengeneza ugomvi kwa sababu swali lishajibiwa mara kibao kwanini lijirudie???” alihoji.
Read more

Abiria waanzisha vurugu uwanja wa ndege

Image
Askari wa Kikosi cha Kutuliza Ghasia(FFU) leo wamelazimika kuingilia kati kutuliza vurugu zilizoazishwa na abiria 75 waliokosa usafiri wa ndege ya kampuni ya FastJet kutoka Mwanza kwenda Dar es Salaam kutokana na hitilafu za kiufundi. Abiria hao waliokaa uwanjani hapo kwa zaidi ya saa nne kuanzia saa 3:00 asubuhi walipotakiwa kusafiri hadi saa 7:00 mchana, walianzisha vurugu kushinikiza kupatiwa usafiri. Wakizungumza na Mwananchi uwanjani hapo kwa nyakati tofauti, abiria Rukia Mohamed, Juma Kisombi na Mamad Mohamed wamesema walilazimika kuushinikiza uongozi wa kampuni hiyo kuwapa maelezo ya kutosha baada ya ahadi ya kutakiwa kusubiri kidogo kutotekelezwa kwa zaidi ya saa tatu waliyosubiri uwanjani hapo. “Nimefika Jumapili iliyopita na leo, nilitakiwa kurejea jijini Dar es Salaam na nilifika uwanjani kwa muda uliotakiwa lakini hadi sasa hakuna ndege na uongozi hautoi maelezo ya kueleweka,” alilalamika Rukia. Akizungumzia kadhia hiyo, Meneja wa FastJet Mkoa wa Mwanza,...
Read more

Mawasiliano Yangu na Roma Sio mazuri- Moni Centrozone

Image
Rapa Moni Centrozone amefunguka kwa mara nyingine tena na kudai hawezi kumuonea wivu Roma Mkatoliki kuhusiana na wimbo wake wa Zimbabwe ila wananchi ndiyo wanasababisha mpaka yeye aonekane anachuki na mwenzake. Moni ameeleza hayo kupitia 'backstage' ya bongo fleva 'top 20' za East Afrika Radio baada ya majuma kadhaa kupita tokea atoe kauli yake mbele ya kamera za eNewz ya EATV ambayo alidai hakufurahishwa na kitendo alichokifanya Roma kutoa wimbo wa Zimbabwe kwa kuita ni usaliti kwa kuwa alijizungumzia yeye binafsi katika wimbo bila ya kuwashirikisha wenzake ambao walitekwa pamoja. "Hatuna mawasiliano mazuri kati yetu kutokana na maneno ambayo yanaendelea katika jamii, mimi siwezi kumuonea wivu Roma Mkatoliki kwa sababu yeye ameshafanikiwa kimuziki tokea kitambo, nitawaonea wivu wakina Coyo pamoja na Billnass ambao ndiyo kizazi changu kama endapo watafanya vitu vizuri na vikubwa katika maendeleo yao lakini siyo kwa Roma", amesema Moni. Pamoja ...
Read more