Kenya: Mahakama ya Juu yaiumbua Tume ya Taifa ya Uchaguzi


Mahakama ya Juu imeitupia lawama Tume Huru ya Uchaguzi na Mipaka (IEBC) kwa kusababisha kufutwa matokeo ya uchaguzi wa rais uliofanyika Agosti 8, mwaka huu.

Katika maelezo ya kina kuhusu sababu za matokeo hayo kufutwa Septemba Mosi, Naibu Jaji Mkuu, Philomena Mwilu alifichua namna IEBC ilivyoudhi na kukaidi maelekezo iliyopewa na Mahakama ya Juu kufungua kompyuta ili kuthibitisha mfumo wa kuhifadhi takwimu baada ya upinzani kulalamika kwamba ulidukuliwa.

Mwilu alisema mfumo wa Tehama wa IEBC uliingiliwa na ukachezewa na takwimu zilizomo zikabadilishwa.

"Mfumo mzima umechezewa na umechafuliwa au IEBC iliingilia takwimu na ilikana kuwa mfumo wake uliingiliwa," alisema.

"Amri tuliyotoa ufanyike uchunguzi ilikuwa fursa pekee adhimu kwa IEBC kuwathibitisha uongo wa waliofungua kesi lakini IEBC haikutii amri ya mahakama.”

Mwilu aliongeza kwamba tume hiyo "mara kwa mara" haikutii amri hali aliyosema ilifikia “kiwango cha juu".

"IEBC ilipaswa kuwa na mfumo wa usaidizi. Tuliwapa walalamikaji fursa ya kusoma tu lakini kulikuwa na ukaidi wa wazi kwa upande wa IEBC kwamba hawakutaka kutoa taarifa kwa ukamilifu."

Kisha aliongeza maswali kuhusu uhalali wa kura zilizoongezeka kwa uchaguzi wa urais tu ikilinganishwa na wengine hayakujibiwa kikamilifu.

Aidha, Jaji Isaac Lenaola, mmoja wa majaji watano waliounga mkono kufutwa kwa matokeo ya uchaguzi wa rais alisema mahakama imechunguza na kubaini “ukiukwaji wa misingi iliyowekwa na katiba na sheria za uchaguzi kama walivyolalamika waliofungua kesi.”

"Tume Huru ya Uchaguzi na Mipaka (IEBC) ilipuuza sheria na katiba katika kiwango ambacho wao walijifanya kuwa sheria. Kwa upande wetu, chaguzi si tukio moja bali mchakato mzima, na hii imeelezwa vizuri katika vitabu vya IEBC,” alisema Lenaola.

Alisema Wakenya walipoteza Imani katika Uchaguzi Mkuu wa mwaka 2007 kutokana na vurugu na mkanganyiko katika namna ya kuhesabu kura na kutangaza na kuondokana na hali hiyo ndipo Kriegler alipendekeza matumizi ya teknolojia.

Lenaola alisema mfumo wa teknolojia unaotumiwa unapaswa kuwa wazi na unaohakikiwa.

“IEBC ilishindwa kuhakiki matokeo ambayo yalitumwa kwa mfumo wa kielktroniki kutoka vituoni kabla ya kutangaza jambo ambalo lilikuwa ukiukwaji wa Katiba na sheria,” alisema.

Alisema Ofisa Mtendaji Mkuu wa IEBC, Ezra Chiloba alikiri kwamba tume haikuwa katika nafasi ya kuwapatia walalamikaji Fomu 34A, siku tatu baada ya matokeo kutangazwa na akasisitiza kwamba walikuwa wanazingatia Fomu 34B ambazo ziliwasilishwa zote. Hiyo nayo ilisababisha maswali.

Alisema, “Wajibu wa IEBC hni kuhakikisha mfumo wa upigaji kura ni rahisi, wa uhakika, salama na unaowajibika. Namba lazima zioane. Wakenya walisimama katika mistari mirefu kwa saa nyingi na kupiga kura kisha baada ya hapo mfumo ukawa haupenyeki. Hatuwezi kuthibitisha kwamba Uhuru Kenyatta alipata kura nyingi.”

Comments

Post a Comment

Popular posts from this blog

Ruby azicharukia vikali media, picha linaanzia kwa Nandy

Image
Msanii wa Bongo Flava, Nandy amesema hapendezwi na maswali kuhusu Nandy ambayo amekuwa akiulizwa kila siku na vyombo vya habari.   Hitmaker huyo wa ngoma ‘Na Yule’ amesema watangazaji wameshindwa kumuuliza maswali ya msingi badala yake kila siku stori ni Nandy kitu ambacho anaona kitaenda kutengeneza ugomvi. “Nachukia sana swali la kufananishwa na Nandy kwa sababu am tired that question, ni kama vile watangazaji wanashindwa ni maswali gani ya kuuliza, maswali yale yale nishajibu sana” Ruby ameiambia Bongo5. “I love Nandy, she is good artist, she is good singer but don’t ask too much question about her, it like unatengeneza ugomvi, sasa nashindwa kuelewa hata watu wa media wanatengeneza ugomvi kwa sababu swali lishajibiwa mara kibao kwanini lijirudie???” alihoji.
Read more

Abiria waanzisha vurugu uwanja wa ndege

Image
Askari wa Kikosi cha Kutuliza Ghasia(FFU) leo wamelazimika kuingilia kati kutuliza vurugu zilizoazishwa na abiria 75 waliokosa usafiri wa ndege ya kampuni ya FastJet kutoka Mwanza kwenda Dar es Salaam kutokana na hitilafu za kiufundi. Abiria hao waliokaa uwanjani hapo kwa zaidi ya saa nne kuanzia saa 3:00 asubuhi walipotakiwa kusafiri hadi saa 7:00 mchana, walianzisha vurugu kushinikiza kupatiwa usafiri. Wakizungumza na Mwananchi uwanjani hapo kwa nyakati tofauti, abiria Rukia Mohamed, Juma Kisombi na Mamad Mohamed wamesema walilazimika kuushinikiza uongozi wa kampuni hiyo kuwapa maelezo ya kutosha baada ya ahadi ya kutakiwa kusubiri kidogo kutotekelezwa kwa zaidi ya saa tatu waliyosubiri uwanjani hapo. “Nimefika Jumapili iliyopita na leo, nilitakiwa kurejea jijini Dar es Salaam na nilifika uwanjani kwa muda uliotakiwa lakini hadi sasa hakuna ndege na uongozi hautoi maelezo ya kueleweka,” alilalamika Rukia. Akizungumzia kadhia hiyo, Meneja wa FastJet Mkoa wa Mwanza,...
Read more

Mawasiliano Yangu na Roma Sio mazuri- Moni Centrozone

Image
Rapa Moni Centrozone amefunguka kwa mara nyingine tena na kudai hawezi kumuonea wivu Roma Mkatoliki kuhusiana na wimbo wake wa Zimbabwe ila wananchi ndiyo wanasababisha mpaka yeye aonekane anachuki na mwenzake. Moni ameeleza hayo kupitia 'backstage' ya bongo fleva 'top 20' za East Afrika Radio baada ya majuma kadhaa kupita tokea atoe kauli yake mbele ya kamera za eNewz ya EATV ambayo alidai hakufurahishwa na kitendo alichokifanya Roma kutoa wimbo wa Zimbabwe kwa kuita ni usaliti kwa kuwa alijizungumzia yeye binafsi katika wimbo bila ya kuwashirikisha wenzake ambao walitekwa pamoja. "Hatuna mawasiliano mazuri kati yetu kutokana na maneno ambayo yanaendelea katika jamii, mimi siwezi kumuonea wivu Roma Mkatoliki kwa sababu yeye ameshafanikiwa kimuziki tokea kitambo, nitawaonea wivu wakina Coyo pamoja na Billnass ambao ndiyo kizazi changu kama endapo watafanya vitu vizuri na vikubwa katika maendeleo yao lakini siyo kwa Roma", amesema Moni. Pamoja ...
Read more